ബെംഗളൂരു: കർണാടകയുടെ പല ഭാഗങ്ങളിലും കനത്ത മഴ തുടരുന്നു . കനത്ത മഴയെത്തുടർന്ന് വീടുകളിലും പൂന്തോട്ടങ്ങളിലും വെള്ളം കയറി നാശനഷ്ടങ്ങൾ ഉണ്ടായി. ബെംഗളൂരു ഉൾപ്പെടെ സംസ്ഥാനത്തെ പല ജില്ലകളിലും ഇന്നും മഴ പെയ്യുമെന്ന് കാലാവസ്ഥാ വകുപ്പ് പ്രവചിച്ചു. ഇന്നും നാളെയും ഉത്തര കന്നഡ ജില്ലയിൽ റെഡ് അലേർട്ട് പ്രഖ്യാപിച്ചിട്ടുണ്ട്, ജൂലൈ 30 വരെ ഓറഞ്ച് അലേർട്ട് പ്രഖ്യാപിച്ചിട്ടുണ്ട്.
ജൂലൈ 31 വരെ കർണാടകയിലുടനീളം കനത്ത മഴ ലഭിക്കുമെന്ന് കാലാവസ്ഥാ വകുപ്പ് പ്രവചിച്ചിട്ടുണ്ട്. അടുത്ത അഞ്ച് മുതൽ ആറ് ദിവസം വരെ തീരദേശ മേഖലകളിൽ കനത്ത മഴയ്ക്ക് സാധ്യതയുണ്ടെങ്കിലും വടക്കൻ ഉൾനാടുകളിലും തെക്കൻ ഉൾനാടുകളിലും മിതമായ മഴയാണ് ഉണ്ടാവുക.
ഉത്തര കന്നഡ ജില്ലയിലെ 7 താലൂക്കുകളിലെ സ്കൂളുകൾക്കും കോളേജുകൾക്കും ഇന്ന് അവധി പ്രഖ്യാപിച്ചു. കാർവാർ, അങ്കോള, കുംത, ഹൊന്നവർ, ഭട്കൽ, ദണ്ടേലി, ജോയ്ഡ താലൂക്കുകളിലെ സ്കൂളുകൾക്കും കോളേജുകൾക്കും ഇന്ന് അവധി പ്രഖ്യാപിച്ചട്ടുണ്ട്. ശിവമോഗ ജില്ലയിലെ ഹൊസനഗർ, തീർത്ഥഹള്ളി താലൂക്കുകളിലെ സ്കൂളുകൾക്കും കോളേജുകൾക്കും ഇന്ന് അവധി പ്രഖ്യാപിച്ചു.
ഹാസൻ ജില്ലയിലെ സകലേശ്പൂർ, ബേലൂർ താലൂക്കുകളിലെ അംഗൻവാടി, പ്രൈമറി, ഹൈസ്കൂളുകൾക്കും ഇന്ന് അവധി പ്രഖ്യാപിച്ചു. ചിക്കമഗളൂരു ജില്ലയിലെ കലാസ, മുദിഗരെ, ശൃംഗേരി, കൊപ്പ, എൻആർ പുര താലൂക്കുകളിലെ സ്കൂളുകൾക്കും ഇന്ന് അവധിയാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
